पोखरा, ८ असोज ।
बलिउड कलाकार साहरुख खान र काजलले सँगै धेरै फिल्ममा काम गरिसकेका छन् । यो जोडि बलिउडमा एकदम रुचाइएको जोडि पनि हो ।
हालसाल उनी आफ्नो आउँदो फिल्म ‘हेलिकप्टर इला’को प्रचारप्रसारमा व्यस्त छिन् र फिल्मको अन्तर्वार्ताको समयमा उनले साहरुखले आफुलाई के सल्लाह दिए भन्ने कुराको प्रकट गरेकी छिन् । अन्तर्वार्ताको क्रममा उनले आफुले ‘बेखुदि’, ‘दुश्मन’ जस्ता फिल्म खेलेको र त्ससबाटै आफु कलाकारको रुपमा अघि बढेको बताइन् । साहरुख खानसँग ‘बाजिगर’ फिल्ममा काम गर्दा साहरुखले उनलाई कसरी अभिनय गर्ने र उनी कलाकारको रुपमा प्रस्फुटन हुनुपर्छ भनेर सल्लाह दिएका थिए तर काजोलले आफुले राम्रै गरेकोे सम्झेर साहरुखको सल्लाहलाई वाइयात ठानेकी थिइन् । तर ‘उधार कि जिन्दगी’ फिल्मका सुटिङको क्रममा उनले कलाकार बन्न आफुले सोचेजस्तो त्यति सजिलो छैन भन्ने महसुस गरेकी थिइन ।
यसैबिच ‘हेलिकप्टर इला’ को रुपरेखा काजोलको अलावा प्रदिप सरकार र स्टार रिद्धि सेन र नेहा धुपियाले दिएका छन् । यो फिल्ममा अजय देवगणको पनि भुमिका रहेको छ र फिल्म अक्टोबर १२ मा रिलिज हुने तयारीमा रहेको छ ।